„Надлежен јавен обвинител од Основното јавно обвинителство – Скопје утрово издаде Наредба до Институтот за судска медицина, криминалистика и медицинска деонтологија во Скопје за обдукција на телото на мотоциклистот, 22-годишниот С.А., кој им подлегна на повредите по тешката сообраќајна несреќа што се случи на 27.07.2016 година во Кисела Вода.“, објави Јавното обвинителство во соопштение до јавноста
Покрај ова, обвинителството ја очекува комплетната документација за сообраќајната несреќа од Министерството за внатрешни работи – записниците од извршениот увид, скиците, резултатите од извршените анализи и изводите од техничкиот преглед на возилата.
22 годишниот Стојанчо Андонов, по пет дена во кома, утрово им подлегна на повредите кои ги здоби во тешката сообраќајна несреќа која се случи на 17 јули кај Рампа во Кисела Вода. Во момчето кое управувало мотор со своето „БМВ“ удрил Дејан Митровски-Урко, поранешен телохранител на екс премиерот Никола Груевски.