Предметот „Шпион“ наместо во Специјалното јавно обвинителство, сега се наоѓа во Советот на јавни обвинители. СЈО веќе има воспоставено надлежност за овој случај, а на почетокот на месецов го побара предметот и против новинарот Зоран Божиновски кој е дел од овој случај, но Јавното обвинителство за гонење на организиран криминал одлучи да не го дава предметот.
Од Јавното обвинителство со кое раководи Јован Илиевски дури и воопшто не им одговориле на обвинителите на Катица Јанева за одлуката.
Се работи за предмет против новинарот Божиновски, кој е дел од случајот „Шпион“.
На 1 септември е закажана и јавна седница во Апелациониот суд, на која обвинителите од СЈО ќе треба да се произнесат во однос на жалбите за првостепената пресуда.
-На тој начин Основниот суд Скопје 1 дозволува Обвинителството за организиран криминал да се меша во постапки за кои Апелациониот суд Скопје веќе одлучил да постапува СЈО, како што е случајот Шпион, велат од Специјалното јавно обвинителство.