Зона А0 паркирањето од 100 денари, се намалува на 75 денари. Во зона А од 50 денари се намалува на 40 денари, во зона Б на 30 денари и во зона Ц и Д, цената за еден час паркирање ќе чини 25 денари
Согласно Статутот на јавното претпријатие, а на иницијатива на градоначалничката на Град Скопје г-ѓа Арсовска, вчера на седница на Управниот одбор на претпријатието се донесе одлука со која е предвидено намалување на цените на услугите за паркирање на јавните површини во зоните на паркирање во градот Скопје, истакна директорот Христовски на денешната прес конференција.
Тој додаде дека согласно одлуката за измена на Ценовникот на услуги на Јавното претпријатие Градски паркинг, намалувањето се однесува на час паркирање во следните зони:
-Зона А0 паркирањето од 100 денари, се намалува на 75 денари.
-Во зона А од 50 денари, се намалува на 40 денари,
-Во зона Б од 40 денари, износот за паркирањето се намалува на 30 денари и
-И во зона Ц и Д, цената за еден час паркирање од 30 денари се намалува на 25 денари.
Ваквата одлука за поевтинување на паркирањето во Скопје влегува во сила по добивање согласност од Советот на Град Скопје, а истата ќе се применува од 01.03.2022 година.