Од утре започнува исплатата на поврат на ДДВ од 2100 денари

Во рок од 60 дена од завршувањето на тромесечието наша обврска е да исплатиме ДДВ на граѓаните, рече директорката на УЈП, Сања Лукаревска во гостувањето во Утрински печат.

„За првпат сега ќе исплатиме 2100 денари кај сите оние кои преку скенираните сметки дошле до тоа ниво. Во текот на утрешниот ден веќе ќе бидат исплатени првите налози“, рече Лукаревска.

Таа вели дека средствата што треба да се вратат преку оваа мерка за тромесечието се околу 10 милиони евра и тие средства се предвидени во буџетот.

„Ќе инсистирам секој почеток на тековна година да расте лимитот за поврат на ДДВ на физички лица“, вети директорката на УЈП.