Алекс Талески (18) е нов фудбалер на Викторија Плзен. Младиот напаѓач потпиша двегодишен договор со чешкиот прволигаш и пред него е период на докажување во новата средина.
Талески е роден во Мелбурн во 2000 година. Желба му е да гради кариера во Европа пришто Вардар беше прво негово искуство на стариот континент. На „црвено-црните“ им пристапи во 2017 година, а професионален договор склучи лани. Важи за иднина на македонскиот фудбал и може да игра како класичен шпиц, како втор напаѓач или да дејствува по крилните позиции.
Талески е дел од македонската репрезентација до 19 години. Досега забележа девет настапи што ги зачини со пет гола. Викторија Плзен е одлична прилика за дополнителна негова надградба, докажување и минутажа пред влегување во сениорски води.
Чешкиот клуб е редовен учесник во европските фудбалски натпреварувања во последните неколку години. Во сезоната 2011/12 дебитира во групната фаза во Лигата на шампиони во која за ривали ги имаше Барселона, Милан и БАТЕ Борисов, успех што го повтори уште двапати подоцна. Во сезоната 2013/14 беше во група со Баерн Минхен, со Манчестер сити и со ЦСКА Москва додека во есенското дел од елитното УЕФА натпреварување се соочи со Реал Мадрид, со Рома и повторно со рускиот премиерлигаш.
Развојот што во континуитет го бележи чешкиот прволигаш од Плзен ќе биде од корист и за младиот Талески и за него лично, но и за македонскиот репрезентативен фудбал.