Никола Ѓорѓиев со прв пехар во Јапонија. Екипата на Торај Ароус, за која настапува капитенот на македонскиот национален тим, е освојувач на т.н. „Император куп“. Во големото финале беше совладана Тојода со 3:2 (по сетови: 25:22, 25:20, 21:25, 24:26, 22:20) за трета титула во натпреварувањето по 2008 година и во 2013 година. Според информаците, Ѓорѓиев бил еден од најдобрите во мечот за тронот, откако беше најефикасен и во максималниот триумф (3:0) над тимот на Сантори во полуфиналето.
Ѓорѓиев минатата година ја напушти европската клупска одбојка и го прифати предизвикот на Далечниот исток. По успешните настапи за Раднички Крагуевац (Србија), за Волеј Форли (Италија), за Мали Милипјанго (Турција) и за Париз Волеј (Франција), 28 годишниот струмичанец заигра и во Земјата на изгрејсонцето во дресот на Торај Ароус. Со тимот од Шизуока чекаше на првата голема радост што, конечно, и ја дочека денеска.