Адвокатскиот тим на лидерот на опозицијата Зоран Заев,денеска на рочиштето за „Поткуп“ побара Владимир Милошевски, јавниот обвинител во овој случај, да се изземе од случајот.
Како што објаснија адвокатите, пред повеќе од една година поднеле кривична пријава против Милошевски до Специјалното јавно обвинителство и од таму имаат известување дека се постапува по предметот.
Одбраната бара додека СЈО не се произнесе за делата, да се стопира постапката за случајот „Поткуп“.
Милошевски се товари зa злосторничко здружување, злоупотреба на Посебни истражни мерки, повреда на правото на одбрана и недоставување на списите за преземените мерки.
„Има сериозни индиции дека Милошевски е дел од злосторничко здружување и ја злоупотребува службената положба за политички цели“ истакна Заев.
Судот наложи Јавното обвинителство во рок од два часа, а најдоцна за три дена, да се произнесе за барањето за изземање на Обвинителот.