Средбата е одложена поради семејни причини од страна на претседателот на Европскиот совет. Од Советот додаваат дека се прави сѐ да се најде нов термин за средба со македонскиот премиер.
Премиерот Димитар Ковачевски попладнево требаше да се сретне со претседателот на Европскиот совет, Шарл Мишел, но средбата е одложена, најверојатно за утре, јави дописничката на МИА од Брисел.
Според информациите на МИА, средбата е одложена поради семејни причини од страна на претседателот на Европскиот совет. Од Советот додаваат дека се прави сѐ да се најде нов термин за средба со македонскиот премиер.
Средбата најверојатно ќе се одржи утре, кога Ковачевски исто така има состанок и со претседателката на Европската Комисија, Урсула фон дер Лајен.
Вечерва премиерот Ковачевски ќе се сретне со претседателката на Европскиот Парламент, Роберта Мецола.