НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Одобрени најавените 35 милијарди евра макрофинансиска помош од ЕУ за Украина

0
By Marija Todorovska on October 24, 2024 ТИКЕР
СПОДЕЛИ
Facebook Twitter LinkedIn Email

Брисел: Советот на ЕУ го усвои пакетот за финансиска поддршка на Украина, кој вклучува вонреден заем за макрофинансиска помош до 35 милијарди евра и Механизам за соработка за позајмици, што треба да и помогне на земјата во отплата на позајмиците во износ од 45 милијарди евра обезбедени од Унијата и нејзините партнери од Г7.

Одобрувањето од страна на Советот следи откако во вторникот пакетот за помош со големо мнозинство го поддржа и Европскиот парламент. Сега преостанува уште одлуката на Советот да биде објавена во Службениот весник на ЕУ, по што веќе следниот ден Регулативата за финансиска поддршка на Украина ќе стапи во сила.

Како што јави дописникот на МИА од Брисел, пакетот за финансиска помош има за цел да ја поддржи Украина во покривањето на нејзините итни финансиски потреби, кои се зголемени поради руската агресија. Овие средства ќе придонесат за покривање на финансискиот дефицит на Украина, ќе овозможат макрофинансиската стабилност и ќе ги намалат надворешните финансиски ограничувања за земјата.

Вонредниот заем за макрофинансиска помош и билатералните позајмици од партнерите на ЕУ од Г7 одобрени во рамки на иницијативата „Заеми за вонредно зголемување на приходите на Украина“, ќе бидат отплаќани со приходите од профитите на замрзнатите руски средства во Унијата.

Исплатата на средствата преку украинскиот Механизам за соработка за позајмици, како и евентуалните суми добиени како доброволни придонеси од членките на ЕУ, трети земји или други извори, ќе се врши во форма на финансиска поддршка за Украина намената за помош на земјата во сервисирањето и отплатата на сите заеми добиени од Г7.

Заемот за макрофинансиска помош до 35 милијарди евра претставува придонес на ЕУ во рамки на договорената помош од страна на Г7 за поддршка на Украина со позајмици во износ од 45 милијарди евра. Исплатата на овие средства ќе зависи од почитувањето на договорените  услови за функционирање на демократските институции и спроведувањето на реформите од страна на Украина. Дополнително, со Регулативата се предвидени и специфични одредби за спречување на измами и други неправилности во користењето на средствата од заемот.

Заемот, кој ќе и биде исплаќан од Буџетот на ЕУ, се очекува да и биде достапен на Украина пред крајот на 2024 година и да биде со максимално времетраење од 45 години.

Предвидено е 95 отсто од средствата за финансиска поддршка за Украина да бидат обезбедени од профитите од замрзнатите руски средства во ЕУ, кои ќе бидат префрлени во Буџетот на Унијата, а останатите пет проценти ќе бидат издвоени од Европскиот мировен фонд.

Регулативата за заем за вонредна макрофинансиска помош и за Механизмот за соработка за позајмици за Украина беше претставена од страна на Еврокомисијата на 19 минатиот месец, кога беше објавен и предлогот со кои се предвидува ЕУ да има право да ги користи приходите од замрзнатите руски средства за надомест на штетите предизвикана од агресијата на Русија врз Украина.

Предлагањето на оваа Регулатива уследи откако лидерите на Г7 на Самитот во јуни годинава се договорија за исплата на заеми за „вонредно зголемување на приходите“ за Украина, во износ од 50 милијарди американски долари (45 милијарди евра), кои ќе бидат сервисирани и отплаќани од идните вонредни приходи од замрзнатите руски суверени средства. По ова, на 27 јуни лидерите на ЕУ ја повикаа Комисијата да изработи финансиски пакет за реализација на одлуката на Г7.

Средствата од приходите од замрзнатата руска актива во ЕУ досега беа пренасочувани кон Украина преку Европскиот мировен фонд за поддршка на воените капацитети на земјата, а во помал дел и преку Украинскиот механизам за поддршка на обновата и модернизацијата на државата. Првата рата од овие средства, во износ од 1,5 милијарди евра, ЕУ и ја стави на располагање на Украина на 26 јули годинава.

Г7 евра ЕУ помош Украина
Share. Facebook Twitter LinkedIn Email
ТИКЕР

Железничкиот сообраќај во Црна Гора во прекин поради штрајк на диспечерите

August 23, 2025

Третина од Германците се плашат дека ќе ја изгубат работата поради вештачката интелигенција

August 23, 2025

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.