Од Кривичниот суд информираат дека Советот за оценка на обвинителен акт при Основниот кривичен суд Скопје, позитивно го оценил обвинението за полициските службеници кои се гонат за кривични дела поврзани со пожарот во Кочани.
Обвинителниот акт со КОК – ооа 4/26, против 13 полициски службеници кои се товарат дека сториле кривично дело Тешки дела против општата сигурност, поврзани со пожарот кој на 16 март 2025 година се случи во објектот „Пулс“ во Кочани, се одобрува во целост.
Воедно и обвинителниот акт со КОК – ооа 5/26 , против 5 физички лица за различни кривични дела и тоа Давање поткуп, Давање награда за противзаконито влијание, Примање награда за противзаконито влијание и Примање поткуп, во чиј склоп е и обвинителен предлог против 4 други физички и 1 правно лице, а поврзани со користење средства преку ИПАРД програмата, информираа од Судот.