Охридскиот градоначалник се соочи со кривична пријава: Наместо во изолација, Пецаков бил на Водици

СВР Охрид поднесе кривична пријава против градоначалникот Кирил Пецаков поради тоа што не постапил според здравствените прописи за време на епидемија.

„Поради постоење основи на сомнение за сторено кривично дело „непостапување според здравствените прописи за време на епидемија“, СВР Охрид до надлежното обвинителство поднесе кривична пријава против К.П.(37) и А.К.(37), двајцата од Охрид. Пријавените, на 19.01.2022 година се тестирале за дијагностицирање на коронавирус и, наместо во самоизолација, согласно одлуките за превентивни препораки за заштита на здравјето на населението од заразната болест, истиот ден, присуствувале на јавната верска манифестација по повод верскиот празник Богојавление-Водици 2022 година одржана во Охрид“, вели МВР.