По обвинувањата од ВМРО-ДМПНЕ за изборни закани од страна на поголема група полицајци, од Основното јавно обвинителство во Скопје велат дека ги проверуваат информациите во врска со овие наводи.
– Комисијата за следење на изборни нерегуларности постапува по сите примени поднесоци, пријави , како и сознанија за евентуално сторени кривични дела поврзани со организирањето и спроведувањето на изборите. Информациите во врска со дадените наводи за кои прашувате се доставени до надлежното основно јавно обвинителство со насоки истите да се проверат и доколку се утврдат елементи на сторени кривични дела да се постапи согласно законските надлежности – изјавуваат од ОЈО.
Воедно, од обвинителството ја потсетуваат јавноста дека во функција е електронската адреса izbori@jorm.mk на која можат да пријават сомнение за сторено кривично дело поврзано со изборите и гласањето.
Членот на ИК на ВМРО-ДПМНЕ, Драган Ковачки, на прес-конференција и денеска обвини дека „Наместо во име на законот полицајци делувале во име на партијата на власт. Ваквата параполициска партиска формација во служба на СДСМ вршела брутална злоупотреба, а освен раководството и командирите на Прилепската полиција, во нејзе учествувале и лица од најблиското опкружување на Оливер Спасовски“.
Случајот го истражува и внатрешната контрола на МВР.