Обединетите Нации го објавија извештајот за билансот од мигрантскиот бран кон Европа за последните 18 месеци. Споредбено со првото полугодие лани, бројот на мигранти и баратели на азил, годинава е со двојно повеќе смртни случаи отколку лани.
Според извештајот, во периодот јануари-јуни починале 1.146 лица, иако бројот може да биде далеку поголем бидејќи бродските несреќи поврзани со мигрантите,најчесто и не се пријавуваат.
Според сондажата на агенцијата, 741 лице починало на преминот во Централниот Медитеран меѓу Либија и Италија што важи за најопасна рута, додека 250 лица починале на преминот на Атлантскиот Океан помеѓу Западна Африка и Канарските острови. 149 лица загинале на патот кон Западен Медитеран до Шпанија, а најмалку шест лица починале на пат кон Грција по Источно-Медитерантската патека.
Причините за зголемување на смртноста се лоцираат во нестабилните пловила со кои се обидуваат да го преминат морето, се вели во извештајот. Друга причина е „отсуството на проактивни, европски, државни операции за пребарување и спасување во меѓународни води во комбинација со невладините организации кои се соочуваат со многу ограничувања во истрагите“, изјави за Асошиејтед Прес, портпаролот на ИОМ, Сафа Мешели.
„Овие луѓе не можат да бидат напуштени при толку опасно патување“, рече Мешели.