Платформата на албанските партии е автохтон документ кој што на ниеден начин не задира во унитарниот карактер на државата. Туку само претставува заокружување на отворените прашања од Рамковниот договор и унапредување на правата на Албанците, не засегајќи ги етнички заедници, изјави вечерва за АлсатМ, портпаролот на ДУИ, Бујар Османи.
Според него, одлуката Иванов да не го додели мандатот, е обид тој да ја префлри кризата на интеретнички план. Со тоа, вели Османи, и’ ја направи најлошата услуга во Македонија.
„Тој документ е потпишан во Тирана само затоа што е една албанска политичка партија не седнуваше на маса тука во Скопје, па мораше логистички да се поддржи од Тирана и Приштина.Но, текстот на таа изјава е сосема автохтона и не може да се нарече платформа на туѓа држава“, рече Османи.
Тој најави дека утре раководството на ДУИ ќе заседава за да разговара по однос на новите околности кои што се создадени и на Македонија, а според него она што сега е потребно е брза и стабилна влада која што ќе овозможи нормализирање на економските и политичките функции на државата.