Сите беа изненадени, но многу бргу беа овозможени канали за брзи донации од надвор. Во првите денови дури и Европската Унија беше во шок од силината на ударот. На 14 март донесоа и забрана за извоз за заштитни медицински материјали, маски и друго. Веднаш испративме писмо со барање од оваа забрана да биде исклучена Северна Македонија, нагласи вицепремиерот во Владата, Бујар Османи на денешната онлајн прес-конференција на тема „коронавирусот во Македонија“
„Истото беше и за солидарниот фонд. Благодарение на фактот што добивме почеток на преговори, бевме изземени од забраната за извоз на медицинска опрема и пристап до солидарниот фонд на Европската Унија. Наградата од 50 милиони евра за нашиот успех во ЕУ интеграциите ни беше одобрена да ја пренамениме за поддршка на поволни кредити на малите и средни претпријатија“, изјави Османи.
Како координатор на странската помош, тој истакна дека по завршување на сета оваа ситуација „ќе се анализира како функционираше меѓународниот систем за поддршка и солидарност.