Лоренцо Инсиње останува верен на Наполи до 2022 година. Офанзивниот фудбалер на Наполи, според италијанските медиуми, потпиша нов петгодишен договор со клубот од „Сан Паоло“. Во него не е содржана откупна клаузула иако Аурелио де Лаурентис, претседател на „небесно-сините“, сакаше да изнесува 100 милиони како инструмент за спречување на ново сценарио слично на заминувањето на Гонзало Игуаин во Јувентус.
Инсиње е роден во Неапол. Ова сезона е една од најдобрите во неговата кариера, ако не и најдобра. Ефектот во неа се 16 гола и десет асистенции во 43 одиграни натпревари досега. Пред целосната афирмација во Наполи, претходно настапуваше за Кавезе, Фоџа и Пескара.