Најбогатите осум лица на светот поседуваат онолку колку и половината на светското население, вели извештајот на Оксфам, британска невладина организација која се занимава со нееднаквоста и сиромаштијата во светот.
Нееднаквоста во светот е силно зголемена во последните 12 месеци. Најбогатите осуммина се Бил Гејтс, Амансио Ортега, Ворен Бафет, Карлос Слим Хелу, Џеф Безос, Марк Цукерберг, Лари Елисон и Мајкл Блумберг. Минатата година овие луѓе поседувале 426 милијарди долари. Од друга страна, 3,6 милијарди луѓе поседувале 409 милијарди долари.
Според Оксфам, имотот на првиот супер милијардер во светот за 25 години ќе ја надмине за обичниот човек незмисливата сума од илјада милијарди долари. За да се потроши оваа сума потребно е да се троши милион долари дневно во текот на 2.738 години!
Пред една година половината од светското богатсто го делеле 62 милијадери и за една година тие станале само осуммина! Податоците покажуваат дека нееднаквоста драматично се зголемува особено поради развојот на Кина и Индија, анализира Оксфам.
Најбогатите луѓе и големите мултинационални фирми си озбезбедуваат бенефиции на штета на општиот интерес. Тие користат агресивни мерки за да не плаќаат даноци и ги користат земјите даночните рајови. Најголемите фирми заработиле повеќе пари од 180 земји.
Оваа нееднаквост ја доведува во опасност ионака кревката, а некаде непостоечка, социјална кохезија, ја спречува борбата против сиромаштијата и претставува темпирана бомба за демократијата.
Извештајот е наменет пред се за политичарите, економистите и бизнисмените кои неделава се собираат на редовниот Економскиот форум во Давос.