Агенцијата за истраги и заштита на Босна и Херцеговина – СИПА, објави дека со цел да се намали ризикот и да се избегне можен конфликт со припадници на полицијата на Република Српска -РС, се откажува од спроведувањето на наредбата на Судот на БиХ за апсење на претседателот на Република Српска, Милорад Додик, осомничен за соборување на уставниот поредок на БиХ, објавија медиумите од регионот.
Со цел да се намали ризикот и да се избегне можен конфликт во спроведувањето на налозите за апсење, бил ангажиран мал број на цивилни полицајци. Ова е исто така индикатор дека Агенцијата се грижи да не го загрози мирот и безбедноста во БиХ”, се вели во соопштението.
Инспекторите на СИПА пристигнале пред Административниот центар на РС во Источно Сараево и пронашле полицајци од Министерството за внатрешни работи на РС, кои ја обезбедувале зградата, како и претседателот на РС, кого го информирале за причината за нивното пристигнување и нивната намера да го притворат Додик.