Во риба уловена во водите на јапонската префектура Фукушима првпат по четири години откриен е радиоактивен цезиум над дозволената граница, соопшти денеска Асоцијацијата на рибарски здруженија на Фукушима. Дозволеното ниво на цезиум е 100 бекерели по килогарам, а во парче ража уловена во четвртокот на длабочина од 62 метри се регистрирани 161 бекерели.
Поради тоа, Асоцијацијата ја стопира испораката на овој вид риби уловени во водите на Фукушима и најави повлекување на сета количина од пазарот се додека не се потврди дека нејзината употреба е безбедна. Надлежните служби ќе земат примероци за истражување, а централната Влада ќе донесе одлука за безбедноста.
Во префектурата Фукушима се наоѓа нуклеарната централа чиј реактор беше оштетен и истеќе радиоактивен материјал по силниот земјотрес и цунамито во 2011 година.