„Оваа криза нé научи дека мора да се инвестира стратешки. Затоа веќе е направен нов интервентен план кој вклучува инвестирање во пченката, пченицата, јачменот и сончогледот, потоа во полјоделството, сточарството и овоштарството како извозни гранки на нашето земјоделие“, рече денеска премиерот Димитар Ковачевски.
Премиерот дополни и дека се воведуваат и новини во субвенциите во вид на авансни износи на субвенции, а првата област каде ќе се спроведат е овоштарството.
„Тоа значи дека субвенциите ќе бидат исплатени 30 отсто пред да започне сезоната, тогаш кога најмногу им треба средства на земјоделците за да може да инвестираат, а 70 отсто потоа според планот за исплата на субвенциите. Ќе бидат зголемени субвенциите и за засадување на пченица, пченка, сончоглед“, потенцираше претседателот на Владата во дебатата во организација на „Finance Think“.