Словенија ќе направи се за време на претседателствувањето со Европската Унија да го деблокира процесот на евроинтеграции на Р.СМакедонија. ЕУ е должна да го исполни ова ветување и не само што ова е политичка туку е и длабоко етичка одлука, изјави на Преспа форумот, Словенечкиот претседател Борут Пахор чија земја е актуелен претседавач со Европската унија. Тој најави дека наредната недела заедно со премиерот и министерот за надворешни работи ќе заминат за Софија, во обид да ги ,,омекнат“ Бугарските позиции визави нашата земја за што побрзо да се деблокира процесот и да се одржат меѓувладините конференции ЕУ-Р.СМакедонија и ЕУ-Р.Албанија, изјави Пахор.
„Европската Унија има капацитет за апсорпција на проширувањето со Западен Балкан и тоа треба да се случи што побрзо. Без ова проширување, Европа не би била целосно обединета. Побрзото проширување на ЕУ е нејзин витален интерес.Одложувањето на проширувањето е политички и морално грешно“ изјави актуелниот претседавач со Унијата.
Пахор на Преспа форумот заборуваше за тоа какви неповолни последици носи по себе забавувањето на проширувањето, дека тогаш се појавуваат нациоаналистички тенденции и се инволвираат трети земји во регионот. На Европа и се потребни САД и во делот на интеграцијата на Западниот Балкан бидејќи без стабилен регион нема ни стабилна Европа, додаде Пахор, акцентирајќи ја уште еднаш важната геостратегиска положба на регионот.