Папата Франциск во интервјуто исто така додал и дека унгарскиот премиер Виктор Орбан му кажал дека Путин планира да стави крај на војната на 9 мај, кој Русија го слави како „Ден на победата“ по повод предавањето на Германија во 1945 година.

Поглаварот на Римокатоличката црква, папата Франциск, потврди дека побарал средба во Москва со рускиот претседател, Владимир Путин, за да се обиде да ја запре војната во Украина, но дека се уште нема одговор.

Во денешното интервју за римскиот дневен весник „Кориере дела сера“, папата изјавил и дека патријархот на Руската православна црква Кирил, кој, според западни медиуми, ја поддржувал војната „не може да стане ѓакон на Путин“.

Околу три недели по почетокот на војната, папата вели дека побарал од највисокиот дипломат на Ватикан да испрати порака до Путин за организирање состанок.

– Се уште не добивме одговор и се уште инсистираме. Се плашам дека Путин не може и не сака да ја има оваа средба во моментов. Но, како не можете да престанете со толку бруталност?, изјавил папата.

Папата Франциск во интервјуто исто така додал и дека унгарскиот премиер Виктор Орбан му кажал дека Путин планира да стави крај на војната на 9 мај, кој Русија го слави како „Ден на победата“ по повод предавањето на Германија во 1945 година.