Парадата на гордоста во Белград помина без инциденти

Неколку десетици српски припадници и поддржувачи на ЛГБТИ заедницата денеска, со слоганот „Нека грмат сите наши гласови“, се собраа во српскиот главен град Белград, под силна полициска заштита.

Тие маршираа во центарот на градот, носејќи транспаренти на кои беше напишано: „Ние сакаме живот достоен за луѓето“, или „за поддршката се работи.“
На насобраните им се обрати активистот Борис Милиќевиќ со барањата за нулта-толеранција на државата кон насилството и законско регулирање на истополовите заедници.

Активистите го поздравија изборот на Ана Брнабиќ за мандатарка.

Хомосексуалците во Србија се соочуваат со притисок и насилство од екстремистички групи.

Српскиот Парламент денес ја започна постапката за изборот на Ана Брнабиќ за нова премиерка.