Според Форумот на слободоумни патриоти, последниот извештај за Македонија од страна на Европската комисија е поразителен, па затоа ги повикуваат сите политички партии без двоумење уште веднаш во своите изборни програми да се обврзат дека доследно ќе ги спроведат сите забелешки дадени во Извештајот на ЕК, а посебно имплементирање на итните реформски приоритети на експертската група предводена од Рајнхард Прибе.
– Доколку не го направите истото уште на старт ќе покажете дека не сте за разрешница на политичката криза која веќе предолг период ја има зафатено Република Македонија, туку сте за пролонгирање на истата се со цел ваше политичко опстојување, порачува Форумот.
Оттаму порачуваат дека констатацијата на ЕК дека Македонија воопшто не напредувала од лани, за Форумот е поразителна.