Патиките што некогаш ги носеше кошаркарската легенда Мајкл Џордан се продадени на аукција за 2,2 милиони долари, што ги прави најскапиот пар спортски обувки досега.
Потпишаните патики, за кои Сотби процени дека ќе достигнат цена од 2 до 4 милиони долари, се меѓу најскапите предмети од Џордан кои некогаш биле ставени на аукција.
Дресот што го носеше во финалето на НБА во 1998 година беше продаден во 2022 година за 10,1 милиони долари.
Последната продажба ја запечати позицијата на Џордан како спортист чии лични работи се највредни на аукцијата, односно оние што се продаваат за најмногу пари.
„Денешниот рекорден резултат дополнително докажува дека побарувачката за предметите на Мајкл Џордан продолжува да ги надминува сите очекувања“, рече Брам Вахтер, шеф за улична мода и модерни колекционерски предмети на Сотби.
Претходниот рекорд го држеше пар патики Џордан кои беа продадени за 1,47 милиони долари на аукција во 2021 година.
Моделот на патики Ер Џордан 13с кошаркарот го носеше за време на неговата последна шампионска сезона со Чикаго Булс во 1997-1998 години.
Џордан, еден од најдобрите кошаркари во историјата на спортот, носел број 47 кога постигна 37 поени во натпреварот 2 од финалето на НБА во 1998 година, водејќи ги Булс до победа над Јута Џез.
Освојувањето на шампионатот и последната сезона на мегаѕвездата со Булс беше тема и на документарниот филм „Последниот танц“.
Тоа беше шести НБА прстен (титула) за Џордан и петти пат да биде прогласен за најкорисен играч во НБА.
Веднаш по победата, Џордан му ги дал патиките на едно момче кое собирало топки во соблекувалната како благодарност што ја пронашол неговата јакна за која мислел дека ја изгубил, известува Сотби.
Брендот Ер Џорданс, скратено од „црно-црвените“ патики, се единствениот комплет кој Џордан го носеше во финалето на НБА и има сертификат за автентичност, соопшти Сотби.
Џордан носеше пар црвено-бели Nike Air Ships за време на неговата прва сезона со Чикаго во 1984 година.
Тоа беше година кога тој и Најк ја започнаа нивната соработка, создавајќи го брендот за облека и обувки Џордан.