Published: Tuesday, December 7, 2021 08:27
По повод празникот на големиот Светител Климент Охридски, патрон на Македонската православна црква – Охридска Архиепископија (МПЦ-ОА), попладнево во Соборниот храм во Скопје со почеток во 17:30 часот ќе се одржи свечена празнична богослужба, со благослов на Архиепископот Охридски и Македонски г. г. Стефан, а ќе служи епископот Антаниски г. Партениј, во сослужение со клирици од Скопската епархија и свештенослужители од Бигорскиот манастир.
Утревечер, пак, на самиот празничен ден (8 декември) во 9 часот, Света Божествена Литургија ќе служи митрополитот Повардарски г. Агатангел, во сослужение на митрополитот Тетовско-гостиварски, г. Јосиф и епископот Антаниски, г. Партениј, како и бројни свештенослужители на МПЦ-ОА.
На самото празнување, за радост и благослов на верниот народ, за поклонение ќе бидат изнесени светите мошти на светителот Климент Охридски, наведуваат од МПЦ-ОА.
Воедно, апелираат до верниците да ги почитуваат мерките за заштита од коронавирусот, односно задолжително носење на маски и држење социјална дистанца.