Дојдов да изразам солидарност со граѓаните на Тетово, а анјмногу со оние кои ги изгубија своите најблиски, изјави Претседателот на државата, Стево Пендаровски при денешната посета на опожарената модуларна болница во Тетово.

– Надлежниот јавен обвинител ме информираше дека дека околу два часа формално ќе го завршат увидот кој трае веќе втор ден и во најбрз можен рок потоа ќе излезат со нивниот извештај, вели Пендаровски.

Според него, до овој момент нема никаков индикатор дека ова е направено намерно со цел да се постигне некаква друга политичка цел.

– Не смееме да дозволиме истрагата да трае со месеци, и на крај да не знаеме дали истата завршила. Македонската јавност залужува брз, темелен и стручен одговор без било какви паузи во истрагата, додаде Пендаровски.