„УНДП направи анализа, со податоци за деветте месеци по руската инвазија на Украина и констатирани се ефекти кои говорат за катастрофално лош однос на општините во услови на енергетска криза“, рече министерот за локална самоуправа, Ристо Пенов на владината конференција „Година на нови можности“.
Тој додаде дека трошоците за енергија на општините биле зголемени за една милијарда денари, кои тие се обиделе да ги покријат со кратење на капитални инвестиции со вкупна сума од една милијарда и 900 милиони денари и дополнително ги зголемиле долговите за 800 милиони денари.
„Ова е катастрофално лош и нерационален однос кон развојот на општината и катастрофално лош однос кон граѓаните“, рече Пенов.
Министерот исто така кажа дека општините недоволно ги користат можностите од инструментот финансиска децентрализација и забележа дека тој има огромен потенцијал да се развива.