Денеска се навршуваат пет години од трагедијата кај Смилковското езеро, кога на 12 април 2012, на Велики Четврток петмина беа убиени на свиреп начин.

Од убиените четворица се момчиња на возраст од 18 до 21 година од скопската населба Радишани, Филип Славковски, Александар Наќевски, Цветанчо Ацковски и Кире Трпковски, како и 45-годишниот Борче Стевковски од селото Црешево.

Обдукцијата покажала дека во нив е пукано од три типа огнено оружје, врз основа на пронајдените чаури од три различни типа муниција, што според истрагата наведува дека има повеќе од еден извршител на чинот.

За петкратното убиство во случајот „Мострум“ доживотна казна затвор им е изречена на Алил Демири, Африм Исмаиловиќ, Агим Исмаиловиќ, Фејзи Азири, Хаки Азири и Сами Љута. Единствено петтообвинетиот Сејди Рами доби ослободителна пресуда поради немање на цврсти докази за утврдување на вина.

Се уште се чека на екстрадиција од Косово на првообвинетите Африм Демири и Агим Исмаиловиќ, кои беа осудени во отсуство.

Случај „Монструм“: Хронологија од судницата

Во февруари 2016 СЈО започна предистражна постапка за „Монструм“, откако лидерот на СДСМ Зоран Заев ги предаде материјалите од прислушувањето, во кои, како што во повеќе наврати во текот на 2015 година за повеќе домашни и странски медиуми изјави дека во нив има детали за ова убиство.

Заев: Невини луѓе лежат во затвор за Смилковско езеро

Родителите на момчињата кои беа убиени кај Смилковското езеро останаа незадоволни и од одлуката на Апелациониот суд за обвинетите во случајот „Монструм“.

Тие сметаа дека сè уште не се кажани сите работи околу ова монструозно убиство и се сомневаат дека високи фукнционери се вмешани во убиството на нивните деца.