Прво, обрнете внимание на насловот. Замислете се и секогаш вклучете црвен аларм кога ќе видете дека во насловот има тенденција кај вас да се предизвика чувство на страв, паника, вознемиреност, препорачува Александра Теменугова од Институтот за комуникациски студии во процесот на препознавање лажни вести.
„Тоа е првиот рецепт на креаторите на медиумски содржини да го привлечат вниманието на корисниците на социјалните медиуми“, вели Теменугова.
Таа ги појаснува начините на кои граѓаните може да препознаат лажни вести, чија продукција особено се зголемува во период на поважни политички случувања, во моментот кај нас во пресрет на вториот круг од претседателските избори.
„Второто правило, проверете ги изворите. Дали оваа вест е еднострано напишана. Дали ги има сите релевантни извори кои би можеле да ја дадат информацијата и дали тие извори на информации се релевантни или не, препорачува таа.
Трет чекор е дознавање на авторот на веста, за намерата и дали има импресум доле на веста, вели Теменугова.
Препорачува и проверка на датумот на изработка на веста, како и проценка дали некоја информација намерно е пропуштена.
„Четврто, проверете го датумот кога е направена веста. Петто правило, размислете дали има некоја информација што можеби е пропуштена намерно или ненамерно, истакнува Теменугова.