Полицијата во Лас Вегас истражува што е позадината на маскрот што се случи во неделата во центарот на градот на фестивалот на отворено при што локалниот пензионер Стив Падок (64) уби 59 луѓе, а рани 527.
Во неговиот дом истражителите пронашле 18 парчиња огнено оружје, експлозив и неколку илјади куршуми.
Полицијата тврди дека пензионираниот сметководител Падок немал полициско досие и нема докази за негова поврзаност со исламистичките терористи.
Тоа е една од петте теории зошто Падок го извршил нападот.
Исламска држава презеде одговорност за масакрот, тврдејќи дека Падок пред неколку месеци преминал во ислам, но овие информации немаат потврда од полицијата.
Полицијата сепак оценува дека се работи за индивидуален напад така наречен „осамен волк“. Според братот на напаѓачот, Стивен бил мултимилионер кој сакал да се коцка, и многу пари заработил со вложување во недвижнини.
Токму тука полицијата ја гледа втората теорија- коцкарски долгови.
Но неговиот брат не можеше да потврди дали тој имал финансиски проблеми, со оглед на тоа што многу сакал да се коцка.
Третата теорија е дека имал судски случај со едно казино, кого во 2012 година го тужел дека се лизнал на подот и притоа заработил повреда на зглобот, за што барал оштета од 32.000 долари, но случајот го изгул во 2014. Но се работи за сосема друго казино, Космополитен, а тој масакрот го направи во Менделеј беј.
Четвртата терорија е психичка болест, која Падок наводно ја наследил од неговиот татко, Бенџамин Хоскинс Падок, сериски банкарски ограбувач, кој заврши на листата на најбараните на ФБИ во 1969 година, кога избегал од федералниот затвор во Тексас додека бил на издржување на 20-годишна затворска казна.
Агенцијата го опишува како “психопат” со можни “суицидни намери”.
И последната од петте теории е домашната политика.
На неколку блогови се појавија тврдења дека Падок бил виден на протест против Трамп каде носи розова маичка и феминистичка шапка.
Но, Падок не бил регистриран ниту како демократ или републиканец и не бил регистриран ниту за гласање во Флорида, каде што имал постојана адреса.
Исто така, постојат тврдења дека Падок во последни време често го користел зборот “antifa” – неодамна експлоатиран термин за опишување на антифашистите.
Нападот се случи за време на фестивалот на кантри музика во Лас Вегас. Од 32-от кат на хотелската соба Падок започнал неконтролирано да пука врз насобраните луѓе, но пред полицијата да го совлада тој се самоубил.
Нападот во Лас Вегас е најсмртонсниот напад во САД во последните 25 години.