Повеќе од 250.000 потписи доби петицијата со која се бара одезмање на канадското државјанство на Илон Маск поради неговите „активности што се против националниот интерес на Канада“.
Како што се наведува во петицијата, Маск „сега стана член на странска влада која се обидува да го избрише канадскиот суверенитет“, алудирајќи на заканите на Доналд Трамп да ја направи Канада 51-та американска држава, користејќи „економска сила“ за да го анектира својот северен сосед.
Маск има канадско државјанство преку неговата мајка, Маја Маск, која по потекло е од провинцијата Саскачеван во централна Канада.
Како одговор на петицијата, Маск напиша на социјалните мрежи дека „Канада не е ни вистинска земја“.
Тој неодамна во неколку наврати ја критикуваше политиката на канадскиот премиер Џастин Трудо, а во декември го поддржа канадскиот опозиционер Пјер Полиевре, лидер на Конзервативната партија.
Според канадскиот закон, државјанството може да се одземе ако граѓанинот извршил измама, дал лажна изјава или свесно сокрил информации за барање за имиграција или државјанство.