Директорката на Хелсиншкиот Комитет за човекови права во Македонија – Уранија Пировска е повикана на информативен разговор во МВР за сторен прекршок за време на протестите на Шарената Револуција.
Пировска вели тоа се однесува на фрлањето боја за време на протестите, за што најверојатно МВР поседува снимки, но таа смета дека таквиот чин е легитимно право како граѓанин да го изрази револтот од случувањата во земјата.
-Очигледно е дека станува збор за хајка кон луѓето што се учесници на Шарената револуција но и претстваниците на граѓанските организации ги поддржувааат протестите. Хелсиншкиот Комитет беше доста таргетиран во провладините портали, се знае дека ние уште од минатогодишните протести почнавме да даваме бесплатна правна помош за сите кои беа приведени и тоа се случува и годинава.
Јас јавно изјавив дека сум фрлалала боја и дека тоа е мое легитимно право како граѓанин да го изразам револтот против укинување на државата и против криминалите на овие луѓе во власта. Не чувствувам на вина за она сум го сторила, ќе продолжам да го искажувам својот револт на начин на кој што одговара на состојбите во државата и ќе продолжам да бидам дел до Шарената револуцијуа. Ако мисли власта дека на овој начин ќе ги заплаши луѓето се лаже, повеќе се засилува нивниот револт и порив да излезат на улица, вели Пировска за НОВА.
Освен Пировска, вчера на информативен разговор во МВР беше повикан и претседателот на Хелсиншкиот Комитет и професор Гордан Калајџиев, кој поради фрлањето боја на протестите доби казна од 50 евра или општо корисна работа.
Седиштето пак на Хелсиншкиот Комитет, беше мета на контра боење, каде пред неколку дена доцна навечер, камерите регистрирале како две непознати лица фрлаат со боја на влезот во објектот.
