Првиот заменик министер за надворешни работи на Северна Кореја, Чои Сон Хи изјави дека на Пјонгјанг не му требаат разговори со САД, се наведува во соопштението објавено од агенцијата КЦТА. Високиот севернокорејски претставник нагласи дека Вашингтон размислува за дијалог со Пјонгјанг само со цел решавање на внатрешните проблеми.
„Нема потреба да седнеме на иста маса со САД кои го сметаат корејско-американскиот дијалог како инструмент единствено за решавање на нивната политичка криза“, истакна Чои Сон Хи.
Тој додаде дека Северна Кореја подготвила детален „стратешки пакет на мерки како одговор на долгорочните закани од страна на САД“, но не прецизирал за какви одлуки станува збор.
На 30 јуни, јужнокорејската телевизиска станица КБС објави дека американскиот заменик државен секретар и специјален пратеник за Северна Кореја, Стивен Биган за време на видео конференција во Вашингтон изјавил дека средба меѓу Доналд Трамп и Ким Џонг-ун веројатно ќе нема до претседателските избори во САД закажани во ноември.