Кадровските и формациски експерименти што тренерот Винченцо Монтела ги направи во составот на Милан за реваншот со Шкендија не се одразија врз конечниот исход по калчолигашот на „Телеком арена“. Желбената најава дека не сака пораз во Скопје, без разлика на тимот што ќе го изведе, му се исполни. „Росонерите“ го совлада македонскиот вицепрвак со 1:0 во реванш плеј-оф дуелот за Лига Европа и со вкупни 7:0 се пласираа во групната фаза.
Единствениот погодок на средбата го постигна Патрик Кутроне во 13 минута за заокружување на импресивните настапи на Милан за европска есен. Одбраната не дозволи да биде пробиена во 360. квалификациски минути против Крајова и против Шкендија, а нападот, пак, демонстрира завидна ефикасност. Романскиот претставник, во третото коло, беше совладан со 1:0 и со 2:0, македонскиот со 6:0 и со 1:0 или вкупни 10:0 за тимот од „Сан Сиро“.
Во тој контекст оди и убедливиот гостински триумф на „росонерите“ против Кротоне со 3:0 во воведното коло во Серија А. Сето тоа како доволна причина за задоволство кај Монтела за продолжение на сезоната во која миланезите ги очекуваат настапи на три фронта – домашното првенство, италијанскиот куп и Европа лигата на УЕФА.
Шкендија – Милан 0:1 (0:1)
Стадион: „Телеком арена“ во Скопје. Гледачи: 25.000. Гл. судија: Ишван Ковач. Асистенти: Василе Флорин Маринеску и Овидиу Артене (сите тројца од Романија). Ж. картони: Запата, Ромањоли (Милан). Стрелец: Кутроне 13′ за Милан.
Шкендија (формација: 5-4-1): Захов – Челиковиќ, Цуцули, Теќа, Бејтулаи, Тодоровски (Мурати 79′) – Алими, Тотре (Фазлагиќ 88′), Хасани, Б. Ибраими – Радески (Абдурахими 73′). Менаџер: Ќатип Османи.
Милан (формација: 3-5-2): Сторари – Ромањоли (Абате 46′), Бонучи, Запата – Антонели, Занелато, Локатели (Габиа 73′), Маури, Калабрија – Силва, Кутроне (Сусо 58′). Менаџер: Винченцо Монтела.
Лига Европа/плеј-оф/реванш мечеви
Австрија Виена – Осиек 0:1 (2:1)
Хајдук – Евертон 1:1 (0:2)
Црвена звезда – Краснодар 2:1 (2:3)
Шкендија – Милан 0:1 (0:6)
Розенборг – Ајакс 3:2 (1:0)
Олимпик Марсеј – Домжале 3:0 (1:1)
Брага – Хафнарфјордур 3:2 (2:1)
Атлетик Билбао – Панатинаикос 1:0 (3:2)
Видеотон – Партизан 0:4 (0:0)
Скендербег – Динамо Загреб 0:0 (1:1)
Митјиланд – Аполон 1:1 (2:3)
АЕК – Бриж 3:0 (0:0)
Судува – Лудогорец 0:0 (0:2)
Фенербахче – Вардар 1:2 (0:2)
Зенит – Утрехт 2:0 по продолженија/1:0 (0:1)
Салцбург – Виторул 4:0 (3:1)
Шериф Тираспол – Легија Варшава 0:0 (1:1)
Естерсундс – ПАОК 2:0 (1:3)
Олександрија – БАТЕ Борисов 1:2 (1:1)
Макаби Тел Авив – Алтах 2:2 (1:0)
Динамо Киев – Маритимо 3:1 (0:0)
АЕК Ларнака – Викторија Плзен 0:0 (1:3)