Ајакс повторно се враќа со реми од гостување во квалификациите за Лигата на шампиони. Но, за разлика од оние 2:2 против ПАОК во третото коло, во реванш плејофот против АПОЕЛ на „Јохан Кројф арена“ ќе влезе со 0:0.
Холандскиот претставник беше подобар ривал во текот на целиот натпревар. Упати дури 18 удар кон противничкиот гол, но, сепак, не успеа да го совлада словенечкиот интернационалец меѓу стативите на АПОЕЛ, Вид Белец. „Копјаниците“ од Амстердам во последните десетина минути играа без исклучениот Хусаир Мазрауи.
Гостинските екипи беа за гол подобри од своите домаќини во останатите два меча од вечерашната програма. Славија Прага со 1:0 славеше во Романија над тимот на Клуж, а Бриж, со идентичен резултат, беше подобар во Австрија од ЛАСЦ Линц.
Останатите три меча од плејоф фазата за ЛШ се играат во среда (21 август). Динамо во Загреб го дочекува Розенборг, Црвена звезда ќе гостува во Швајцарија на екипата на Јанг Бојс, а Олимпијакос во Пиреја ќе биде домаќин на Краснодар.
Плејоф за Лига на шампион, први мечеви
Клуж – Славија Прага 0:1
АПОЕЛ – Ајакс 0:0
ЛАСК Линц – Бриж 0:1
Среда
Динамо Загреб – Розенборг (21 ч.)
Јанг Бојс – Црвена звезда (21 ч.)
Олимпијакос – Краснодар (21 ч.)