Наоми Осака ја наследи Каролина Возњацки на тронот на Австралија опен, но и Романката Симона Халеп на првото место на ВТА ранг листата. Јапонската тенисерка во своето прво финале во Мелбурн ја совлада Петра Квитова со 7:6, 5:7, 6:4 по два и пол часа игра за втора гренслем титула во нејзината кариера. Првата ја освои лани на Ју-Ес опен по сензационалниот триумф во финалето над Серена Вилијамс со 6:4, 6:2.
На пат до австралискиот трофеј ги „исчисти“ Полјачката Магда Линет во првото коло со 6:4, 6:2 и Словенката Тамара Зиданшек, во второто, со 6:2, 6:4. Во третото коло беше подобра од Су Веи Хсиех од Кинески Тајпеј со 5:7, 6:4, 6:1, а во осминафиналето и од Летонката Анастасија 4:6, 6:3, 6:4. Два сета и час и 10 минути игра ` требаа за победа над Елина Свитолина во четврт-финалето (6:4, 6:1) додека во полуфиналето славеше над седмата ностелка, Каролина Плишкова од Чешка со 6:2, 4:6, 6:4.
Утре претпладне во 09.30 ч. по средноевропско време ќе играат Новак Ѓоковиќ и Рафаел Надал во машкото финале на Австралија опен чиј награден фонд е 29,6 милиони долари.
Австралија опен 2019
Финале, жени: Осака (4., Јапонија) – Квитова (8., Чешка) 7:6, 5:7, 6:4