Собранието се очекува да ја потврди оставката на пратеникот Весел Мемеди на следната седница, откако тој се повлече поради разрешувањето на Министерот за локална самоуправа од неговата партија.
На неговото пратеничко место ќе седне Арта Точи, која е од Алијансата за Албанците. НДП – партијата на Мемеди и Алијансата за Албанците на Зијадин Села настапија со заеднички пратенички листи на парламентарните избори.
Села денеска кажа дека со „ова ќе се исправи неправдата“.
„На нашата партија, пратеничкото место народот и го довери во 2016 година. Постапката на Весел Мемеди не мора да ја коментирам. Неговиот мандат беше мандат на коалицијата „Алијанса за Албанците” и на некој начин се исправа неправдата направена со самиот факт што тој и го сврте грбот на оваа коалиција – рече Зијадин Села, претседател на Алијансата за Албанците.