Во рамки на својата посета на Египет која што е во тек, рускиот министер за надворешни работи Сергеј Лавров ќе се обрати пред Арапската лига. Тој сака да обезбеди поддршка за Москва по силниот бран меѓународни реакции на гнев и осуда кон Русија поради војната што ја предизвика во Украина.
Лавров разговараше во Каиро со неговиот египетски колега Самех Шукри.
Египет има значајни врски со Русија, која им испорачуваше пченица, оружје и – до почетокот на инвазијата на Украина и голем број туристи.
Тоа е првата етапа за Лавров од кратката турнеја низ Африка во Етиопија, Уганда и Конго.
Во написот објавен од локалните весници во пресрет на неговата турнеја, Лавров рече дека неговата земја отсекогаш „искрено ги поддржувала Африканците во нивната борба за слобода од колонијалниот јарем“.