Почина професор д-р Денко Скаловски, редовен професор во пензија, информираат од Филозофскиот факултет во Скопје.
Д-р Денко Скаловски е роден во 1956 година во Скопје. Прво студирал театарска режија во Белград, а потоа филозофија на Филозофскиот факултет во Белград. Дипломирал филозофија на Филозофскиот факултет во Скопје во 1981 година. Магистрирал во 1992 година со трудот „Етиката на одговорноста кај Ханс Јонас“, а докторирал во 2000 година со дисертацијата „Антиподи на современата филозофија на музиката“.
Во академската кариера бил избран за доцент во 2000 година, а за редовен професор во 2010 година. Во 2010 и 2015 година престојувал на постдокторски студии на Универзитетот „Јохан Волфганг Гете“ во Франкфурт на Мајна, под супервизија на проф. Аксел Хонет.
Неговите научни и истражувачки интереси опфаќаа филозофија, филозофија на родот, филозофија на културата, филозофија на уметноста (естетика), историја на родот и полот и социологија на спортот.
Телото ќе биде изложено на 09.07 во капелата во Ѓорче Петров од 12:00 до 13:00 часот, а погребот ќе се одржи во 13:00 часот.
Скаловски студирал театарска режија, а потоа филозофија на Филозофскиот факултет во Белград. Високото образование го продолжил во Скопје и 1981 година,.
Дипломирал на Институтот за филозофија на Филозофскиот факултет. Магистрирал во 1992 година со тезата „Етиката на одговорноста кај Ханс Јонас“, а докторирал 2000 година на тема „Антиподите на современата филозофија на музиката“.
Тој ги истражувал филозофијата на културата, филозофијата на уметноста (естетиката), филозофијата и родот, етиката и политиколошката публицистика. Се занимава со преведување и редакција на филозофски и социолошки дела од странски јазици, посебно од германски.
Тој работел како редовен професор на Институтот за родови студии на Филозофскиот факултет во Скопје]]. Почнувајќи од 2010 година, тој бил постојан соработник на Институтот за филозофија при универзитетот „Јохан Волфганг Гете“ во Франкфурт, Германија. Член е на Филозофското друштво на Македонија и на Меѓународното Хегелово друштво, со седиште во Хајделберг, Германија. Скаловски е истакнат активист на Еколошкото движење на Македонија од 1989 година.
Автор е на повеќе стручни, научни и публицистички трудови меѓу кои „Аз-Буки, Скопје, 2012, ,„Етиката и родот“, Филозофски факултет во Скопје, Скопје, 2012 (коавтор) „Седум македонски композитори“, Бигос, Скопје, 2010 „Во прво лице еднина (Културолошки речник – том 1)“, Аз-Буки, Скопје, 2010, „Тодор Скаловски – животот и делото“ (коавтор), „Филозофија на музиката“, Бигос, Скопје, 2001, „Писма до Македонците“, Бигос, Скопје, 1997, „Етиката на одговорноста“, Бигос, Скопје, 1995 / 2005 и други.