Published: Tuesday, January 23, 2018 11:44
Легендарниот џез музичар од Јужна Африка, Хју Масекела почина на 78-годишна возраст откако ја изгуби битката со ракот, соопшти Владата на Јужна Африка на Твитер.
Масекела беше познат како таткото на јужноафриканскиот џез. Свиреше на труба.
Неговата песна од 1986 година „Вратете го дома“ (Bring him back home), напишана за Нелсон Мандела, беше химна за време на анти-апартхејд движењето. Номиниран беше и за Греми награда.
„Глобалниот придонес на Хју во музиката, театарот и уметноста воопшто, ќе останат врежани во меморијата на милиони луѓе во светот, и ние сме горди и благодарни што бевме дел од неговиот живот во кој несебично со нас ја делеше радоста и љубовта“, се вели меѓу другото во соопштението на јужноафриканската Влада.