Во Скопје денеска почна регионалната конференција „Мир и просперитет на Западниот Балкан“.
На конференцијата се обрати и министерката за одбрана Славјанка Петровска која посочи дека Северна Македонија континуирано работи на целта за влез во Европската Унија.
-На патот кон ЕУ ни претстојат многу задачи и обврски. Сите знаеме дека Северна Македонија е исправена пред предизвикот На усвојување на уставните измени кои за жал до овој момент не се усвоени, порача министерката.
На конференцијата ќе се обратат и Кристин Мелсом, амбасадорка на Кралството Норвешка за Србија, Црна Гора и Северна Македонија, Марија Ристеска, извршна директорка на Центарот за истражување и креирање политики – ЦИКП и Дајана Цвјетковиќ, програмската менаџерка на СМАРТ Балкан од Центарот за промоција на граѓанското општество од БиХ.
Регионалната конференција „Мир и просперитет на Западниот Балкан“ се одржува во организација на Центарот за истражување и креирање политики и конзорциумот СМАРТ Балкан Настанот е дел од проектот СМАРТ Балкан – Граѓанско општество за поврзан Западен Балкан, кој има за цел да придонесе кон зајакнување на партиципативните демократии и евроатлантските интеграции во Западен Балкан, а се спроведува во партнерство помеѓу Центарот за унапредување на граѓанското општество (CPCD) од Босна и Херцеговина, Центар за истражување и креирање политики (ЦИКП) од Северна Македонија и Институтот за демократија и медијација (ИДМ) од Албанија.