Почнува „Охридско лето“ – 65то на број со спој на класиката и современиот уметнички израз

Спој на класиката и современиот уметнички израз. Вака е конципирано годинашново, 65-то издание на фестивалот Охридско лето.

Традиционално, ќе започне вечер на 12. јули во Античкиот театар. Годинава со музичко – визуелниот спектакал „ Трансформација на сетилата“ , во кој ќе настапат Македонската филхармонија и уметници од САД. а, фестивалот ќе биде затворен на 20. август, со изведба на претставата „ Електра“ во режија на Дејан Пројковски.

65-тото јубилејно издание на фестивалот Охридско лето годинава оди под мотото „ Уметноста трансформира“, со што се потенцира моќта на уметноста да го промени општеството и да отвори нови перспективи.