Рокот на проверка на државјанството на поранешниот министер за економија, познат и како идниот премиер на Бугарија, Кирил Петков, е продолжен до средината на декември. Kон крајот на август обвинителството беше известено по електронска пошта дека тој има и бугарско и канадско државјанство.
Петков е под истрага поради двојното државјанство, бидејќи истото не го пријавил.
Обвинителството соопшти дека истрагата против Петков трае речиси еден месец по формирањето на владата и еден ден откако Уставниот суд објави дека копретседавачот на „Продолжуваме со промената“, имал двојно државјанство на 10 мај кога со претседателски декрет е именуван за министер.
Но, тој изјавил дека има само бугарско државјанство, што, според правниците, значи дека потпишал документ со неточна содржина.
Од обвинителството информираат дека од Уставниот суд ќе ги побараат сите документи во врска со случајот и дека процесот е во тек.
Портпаролот на специјалното обвинителство, Христо Крастев, за бугарското национално радио објасни дека треба да се чекаат документи од Антикорупциската комисија, на која како привремен министер, Петков имал обврска да поднесе изјава за некомпатибилност.
По тој датум, надзорниот обвинител ќе има уште еден месец да каже дали има или нема докази за сторено кривично дело од Петков, истакна Крастев.