На денешен ден (5 октомври) пред точно 50 години, „Би-Би-Си“ ја емитуваше првата епизода од шоуто „Летечкиот циркус на Монти Пајтон“ што го смени текот на британската, но и светска комедија. Серијалот не наликуваше на ништо што дотогаш беше видено и се доживеа како револуција во поп културата.
Познатата хумористична серија, базирана на апсурд, цинизам и исмејување на секаков вид на авторитет, беше снимена во 45 епизоди што се емитуваа во неколку циклуси од октомври во 1969 година до декември во 1974 година.
Комбинацијата на тешко објасниви и среќни околности доведе до отстапување простор на првиот канал на британскиот јавен сервис и простор на млади луѓе кои штотуку ги завршија студиите на Оксбриџ – Мајк Пејлин и Тери Џонс учеле на Оксфорд, додека Џон Клиз, Ерик Ајдл и Грем Чепмен завршије на Кембриџ. Рамноправен член на креативниот тим и единствен Американец во составот беше режисерот Тери Гилијам.
Името на серијата „Летечкиот циркус на Монти Пајтон“ настанало делумно и поради угледот кој чудното друштво го имало во „Би-Би-Си“. Мајкл Мајлс, еден од шефовите на забавната програма, инсистирал на терминот „циркус“ да биде вклучен во името на серијата затоа што за групата момчиња во „Би-Би-Си“ велеле дека „се шетале низ зградата како во циркус“.