Бостон: Поранешниот директор на мртовечницата на Медицинскиот факултет Харвард е осуден на осум години затвор за трговија со органи и човечки останки, објави американскиот правосуден систем во вторникот, пренесуваат локалните медиуми во амерканската држава Хемпшир.
Седрик Лоџ ( 58) и неговата сопруга Дениз Лоџ (65), која беше осудена на една година и еден ден затвор за посредување во продажба на украдени органи, беа уапсени во мај 2023 година.
Според федералните обвинители, Седрик Лоџ, кој до мај 2023 година бил директор на мртовечницата на Медицинскиот факултет Харвард, обвинет за учество во „национален круг на лица кои купувале и продавале човечки останки украдени од Харвард и мртовечница во Арканзасод 2018 до 2022 година “.
Раководителот на мртовечницата на престижниот универзитет, еден од најстарите во Соединетите Американски Држави и сместен во близина на Бостон, „крадел органи и делови од трупови што биле донирани на науката за медицински истражувања и образование, пред да бидат кремирани “.
Седрик Лоџ „отстранувал човечки остатоци, вклучувајќи органи, мозоци, кожа, раце, лица и глави, како и други делови од трупови што биле донирани за истражувачки и образовни цели“, се вели во соопштението на Министерството за правда.