Published: Thursday, March 10, 2022 11:56
Поранешниот претседател Ѓорге Иванов, од денеска до 13 март, на покана од министерот за надворешни работи на Република Турција, Мевлут Чавушоглу, ќе учествува на Дипломатскиот форум во Анталија.
Дипломатскиот форум во Анталија на тема „Прекодирање на дипломатијата“ се одржува под покровителство на претседателот на Република Турција, Реџеп Таип Ердоган.
Во рамките на своето учество на форумот, како што најавуваат од кабинетот на поранешниот претседател, Иванов ќе се обрати на панелот „Ревитализација на мултилатерализмот: ОН и подалеку“.