Холанѓанецот Роналд Кумен повеќе не е тренер на Барселона, објави каталонскиот клуб на својата официјална веб-страница ноќеска.
Претседателот на клубот, Жоан Лапорта, ја соопшти одлуката по поразот од Рајо Валјекано. Роналд Куман ќе се збогува со тимот во четврток. Барселона сака да му се заблагодари на тренерот за неговата работа и да му посака се најдобро во професионалната кариера, стои во соопштението за медиумите.
Куман ја презеде тренерската функција во Барселона во август 2020 година. Под негово водство тимот одигра 67 натпревари на кои забележа 40 победи.
Во тековната сезона, Барселона има само пет победи од 13 натпревари во сите натпреварувања. Холанѓанецот ќе наплати 12 милиони евра како обесштетување за отказот.