Кристијано Роналдо е нов португалски рекордер по бројот на постигнати погодоци во една сезона во Серија А. Ѕвездата на Јувентус ги потпиша двата во триумфот над Сампдорија со 2:1 во последното есенско коло и стигна до бројката од 14 гола во калчолигата, односно, 15 во сите натпреварувања во кои се активни „бјанконерите“.
Првиот го прослави уште во втората минута по асистенција на Дибала, вториот во 65. минута од белата точка од која прецизен за гостите беше и Квалјарела во 33. минута.
Најдобро португалско достигнување во оваа статистичка категорија досега беше во сопственост на Руи Барош од сезоната 1988/89 во која 12 пати ги тресеше противничките мрежи како играч на „старата дама“.
Севкупно гледано, најефикасен Португалец во Серија А е Руи Коста кој за Фиорентина и за Милан даде 50 гола.