Повеќе граѓани вчера беа принудени да си ги купат лековите, а некои биле вратени од лекарски прегледи, бидејќи системот покажал дека немаат здравствено осигурување.
Од Фондот за здравствено осигурување првично не можеа да потврдат дека проблемот е кај нив и упатија на системот „Мој Термин“ или на институциите (фирмите) каде што граѓаните се осигурани.
Во првиот случај беше вработен во Министерството за образование кој утрото ги однел децата на контрола кај матичен лекар, но во системот фигурирал дека нема здравстевно осигурување. Друг постар граѓанин, пензионер, се соочил со истиот проблем, кога се обидел да земе лекови од аптека.
Потоа НОВАТВ побара од повеќе лица да направат проверка, при што кај сите, меѓу кои имаше вработени во суд и во општински училишта, со појави истиот проблем: Кај осигурувањето се појавува црвено светло и стои датум дека имало важност до 31.01.2017, односно 31.12.2016.
За разлика од вработените во администрацијата, кај осигурениците во приватните фирми, осигурувањето беше регуларно и функционираше.
НОВАТВ упорно бараше одговори од ФЗО и „Мој термин“ дали посто некои грешка во системот или во софтверот, која е причина за тоа што некои граѓани се соочија со ваков проблем.
Доцна вчеравечер, од Фондот не известија дека проблемот е решен и дека осигурувањето функционира. Проблемот настанал поради тестирање од виртуелна база во „Мое осигурување“што го правела фирмата која го одржува системот. Но од Фондот напоменуваат дека лекарите и фармацевтите во аптеките можеле без проблем да ги добијат податоците доколку оделе преку „Мој термин“, кој за цело време функционирал и каде што ги има сите потребни информации.